Psa 100 | KYG | STEP | Ma mopafi muki haopalega mai'naya vaya'mogitapamo lapamogaga aitetapa Ala kava nefeke'mo alopa gefati'mo hiyo.

Psalms 100

Hao ke hetetapa ala agi'amo amiyo, huno hu'niya gemae

1 Ma mopafi muki haopalega mai'naya vaya'mogitapamo lapamogaga aitetapa Ala kava nefeke'mo alopa gefati'mo hiyo. 2 Ala kava ne'mo agi'alefe'mo mono nehutapae'mo lapamogaga lapamagaga aitapa maiyo. Yokemo nehutapae'mo agaemo mai'niya yategamo etapa maiyo. 3 Agetapa aeto hutetapae'mo Ala kava nefe'mo, Goti'mae, hutapa hiyo. Lagaemo lagaitimo alo osu'nopa agai'amo alo huno late'niya'mofe'mo lagaemo agai'a vaya'mo mai'none. Lagaemo vaya'amo mai'neta sipisipi'amo agae kegi'yafi'mo haita mai'nonageno'ae'mo yagaino nelate.

4 Kahao ke nehone, hutapa hume hume ne'utapae'mo mono no'amo yafa lafi kegi'ya kate kipa'apifi'mo faletapa haiyo. Mono no kuma'ale'mo ne'utapae'mo agi'ale'mo alitapa asaga hume hume viyo. Hao ke hetetapa ala agi'amo amiyo. 5 Ala kava ne'mo alagepa vekamo mai'niya'mofe'mae. Agaemo lagaefe'mo hau ayamopafi'mo haume haume ne'viya kava'amo'mo hauno hano osuno muki afina'mo nehaiye. Lama gemo huno'ae'mo, lapa mae'na lapamiguve, huno hu'niya ge'amo alagi o'ataleno akame huno muki hemenimo mai'naya vaya'aitega'e ali'a apateme apateme visaya vaya'aitega'e'mo ani agufa kava'mo afa'a hugiye.